માર્ગ પરિવહન અને રાજમાર્ગ મંત્રાલયે ડ્રાઇવિંગ લાયસન્સ, વાહન નોંધણી અને માલિકીનું ટ્રાન્સફર જેવી 58 સેવાઓ આધાર વેરિફિકેશન દ્વારા ઓનલાઈન ઉપલબ્ધ કરાવી છે.
નવી દિલ્હી: માર્ગ પરિવહન અને રાજમાર્ગ મંત્રાલયે 58 નાગરિક સંબંધિત સેવાઓ જેમ કે ડ્રાઇવિંગ લાઇસન્સ, વાહન નોંધણી અને માલિકીનું ટ્રાન્સફર આધાર વેરિફિકેશન દ્વારા ઓનલાઈન ઉપલબ્ધ કરાવ્યું છે. આધાર વેરિફિકેશન સ્વૈચ્છિક રહેશે. મંત્રાલયે શનિવારે જણાવ્યું હતું કે સરકારી કચેરીઓની મુલાકાત લીધા વિના સંપર્ક વિનાની રીતે આવી સેવાઓ પૂરી પાડવાથી નાગરિકોનો કિંમતી સમય બચશે અને તેમના અનુપાલનનો બોજ પણ ઘટશે.
આ ઉપરાંત પ્રાદેશિક પરિવહન કચેરીઓ (આરટીઓ)માં જનારા લોકોની સંખ્યામાં પણ ઘટાડો થશે, જેનાથી કાર્યની અસરકારકતામાં વધારો થશે. ઓનલાઈન સેવાઓ કે જેના માટે નાગરિકો સ્વેચ્છાએ આધાર વેરિફિકેશન કરાવી શકે છે તેમાં લર્નર લાયસન્સ, ડ્રાઈવિંગ લાયસન્સની કોપી અને ડ્રાઈવિંગ દર્શાવ્યા વગર ડ્રાઈવિંગ લાયસન્સના રિન્યુઅલ જેવી સેવાઓનો સમાવેશ થાય છે.
મંત્રાલયે 16 સપ્ટેમ્બરે આ સંદર્ભમાં એક નોટિફિકેશન બહાર પાડ્યું હતું. જે વ્યક્તિ પાસે આધાર નંબર નથી તે કોઈ અન્ય ઓળખ પુરાવા બતાવીને સીધો જ સેવાઓનો લાભ લઈ શકે છે.
