આર્જેન્ટિનામાં આ ભૂકંપની તીવ્રતા રિક્ટર સ્કેલ પર 6.5 આંકવામાં આવી છે. ભૂકંપ બાદ મળેલી પ્રાથમિક માહિતી મુજબ હાલ કોઈ જાનહાનિની માહિતી નથી.
બ્યુનોસ આયર્સઃ આર્જેન્ટિનામાં ભૂકંપના જોરદાર આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, ભૂકંપ આર્જેન્ટિનાના કોર્ડોબાથી 517 કિમી ઉત્તરે શુક્રવારે (સ્થાનિક સમય) સવારે 3:39 વાગ્યે આવ્યો હતો. એક ટ્વીટમાં માહિતી આપતા NCS એ કહ્યું, “ભૂકંપની તીવ્રતા રિએક્ટર સ્કેલ પર 6.5 માપવામાં આવી હતી. ભૂકંપ આર્જેન્ટિનાના સેન્ટિયાગો ડેલ એસ્ટેરો પ્રાંતના મોન્ટે ક્વેમાડોથી 104 કિમી દૂર હતો.
યુરોપીયન-મેડિટેરેનિયન સિસ્મોલોજીકલ સેન્ટર (EMSC) અનુસાર, ભૂકંપ 600 કિમી (372.82 માઇલ) ની ઊંડાઈએ આવ્યો હતો. યુએસ જિયોલોજિકલ સર્વે અનુસાર, પેરાગ્વે અને આર્જેન્ટિનામાં ભૂકંપના આંચકા અનુભવાયા હતા. હાલમાં કોઈ જાનહાનિ કે ભારે નુકશાનના સમાચાર નથી.
