ગૌરી ખાને ઈન્સ્ટાગ્રામ પર એક પોસ્ટ શેર કરી છે જેમાં તેણે તેના બંગલા મન્નતની નેમપ્લેટ પણ શેર કરી છે. જેના વિશે એવું કહેવામાં આવી રહ્યું હતું કે તેમાં હીરા જડેલા છે. પરંતુ હવે સત્ય સામે આવ્યું છે.
નવી દિલ્હીઃ જ્યારથી શાહરૂખ ખાન અને ગૌરી ખાનના બંગલા મન્નતમાં નવી નેમપ્લેટ લગાવવામાં આવી છે ત્યારથી અનેક પ્રકારની વાતો સામે આવી રહી છે. કેટલાક લોકો કહેતા હતા કે આ નેમપ્લેટમાં હીરા જડેલા છે. જે બાદ આ નેમપ્લેટ ચર્ચામાં આવી હતી. જો કે, હવે ગૌરી ખાને આ અફવાઓ અંગે બધુ સાફ કરી દીધું છે. મન્નતની આ નેમપ્લેટ ગૌરી ખાને ડિઝાઇન કરી છે. ગૌરી ખાને તેની લેટેસ્ટ પોસ્ટમાં આ વિશે માહિતી આપી છે.
ગૌરી ખાને આ નેમપ્લેટને લઈને પોતાની પોસ્ટમાં લખ્યું છે કે, ‘ઘરનો મુખ્ય દરવાજો તમારા પરિવાર અને મિત્રો માટે પ્રવેશનું મુખ્ય બિંદુ છે. તેથી નેમ પ્લેટ એવી હોવી જોઈએ કે તેનાથી સકારાત્મક ઉર્જા આવે. અમે પારદર્શક સામગ્રી સાથે કાચના સ્ફટિકોવાળી પ્લેટ પસંદ કરી છે જેથી તે હકારાત્મક ઊર્જાનો સંચાર કરે.
Decked in Diamonds 💎 Baadshah’s abode ✨ #Mannat, Land’s End 🌟 The King resides where the journey to dream big begins 💖 #ShahRukhKhan pic.twitter.com/xTU8gVZiJU
— Shah Rukh Khan Universe Fan Club (@SRKUniverse) November 19, 2022
તાજેતરમાં એવા ઘણા અહેવાલો સામે આવ્યા હતા, જેમાં કહેવામાં આવ્યું હતું કે મન્નતની નેમપ્લેટ હીરાથી જડેલી છે. કેટલાક મીડિયા રિપોર્ટ્સમાં તો એવું પણ કહેવામાં આવ્યું હતું કે તેની કિંમત 20-25 લાખ રૂપિયાની વચ્ચે છે. શાહરૂખ ખાનના કેટલાક ફેન પેજ પર નેમપ્લેટની તસવીરો અને વીડિયો શેર કરવામાં આવ્યા હતા, જે સોશિયલ મીડિયા પર વાયરલ થયા હતા.
