એક અધિકારીના જણાવ્યા અનુસાર મુંબઈ જતો ટ્રાફિક સંપૂર્ણપણે ખોરવાઈ ગયો છે. ભારે ટ્રાફિક જામમાં સેંકડો વાહનો અટવાયા છે. આ ઘટનાને કારણે એક્સપ્રેસ વેનો 30 કિમીનો વિસ્તાર પ્રભાવિત થયો છે.
મુંબઈ: મુંબઈ પુણે એક્સપ્રેસ હાઈવે પર આજે સવારે એક ટેન્કર પલટી જતાં રોડ જામ થઈ ગયો હતો. આ ઘટના બાદ પુણેથી મુંબઈ જતો ટ્રાફિક બંધ છે. તેમજ મોટી સંખ્યામાં વાહનો જામમાં અટવાયા છે. ટેન્કર પલટી જવાને કારણે તેમાં રાખેલ કેમિકલ રસ્તા પર ફેલાઈ ગયું છે, જેને સાફ કરવાનો પ્રયાસ કરવામાં આવી રહ્યો છે. ટ્રાફિક પોલીસે વાહનોને જૂના હાઈવે પરથી મુંબઈ-પુણે જવા માટે કહ્યું છે.
એક પોલીસ અધિકારીના જણાવ્યા અનુસાર, મુંબઈ-પુણે એક્સપ્રેસવે પર સવારે લગભગ 5.30 વાગે ઝડપી ટેન્કર પલટી ગયું હતું. જેના કારણે આજુબાજુના વિસ્તારમાં કેમિકલ ફેલાઈ ગયું હતું. આ ઘટના તે જગ્યા પાસે બની હતી જ્યાં પહેલા બ્રિટિશ સમયનો અમૃતાંજન પુલ હતો. આ પુલ લગભગ બે વર્ષ પહેલા ધરાશાયી થયો હતો.
તેમણે કહ્યું, “મુંબઈ તરફનો ટ્રાફિક સંપૂર્ણપણે અવરોધિત છે. ભારે ટ્રાફિક જામમાં સેંકડો વાહનો અટવાયા છે. આ ઘટનાને કારણે એક્સપ્રેસ વેનો 30 કિમીનો વિસ્તાર પ્રભાવિત થયો છે.
પ્રાથમિક માહિતી મુજબ કેમિકલ લીકેજના કારણે કન્ટેનર ટ્રક સ્લીપ થઈ ગયું હતું. હાઈવે પોલીસ, સ્થાનિક પોલીસ અને અન્ય અધિકારીઓની ટીમો એક્સપ્રેસ વે પર ટ્રાફિક પુનઃસ્થાપિત કરવાનો પ્રયાસ કરી રહી છે. તેમણે કહ્યું કે એક્સપ્રેસ વેના મુંબઈ-પુણે લેન પર ટ્રાફિક સામાન્ય છે.
