ન્યૂયોર્ક ટાઈમ્સ અનુસાર, અત્યાર સુધીમાં 3,578 ફ્લાઈટ્સ મોડી થઈ છે. જ્યારે 450 ડોમેસ્ટિક અને ઈન્ટરનેશનલ ફ્લાઈટ્સ કેન્સલ કરવામાં આવી છે. વધારાની 100 ફ્લાઈટ્સ પણ રદ કરવામાં આવી છે.
વોશિંગ્ટનઃ યુએસમાં એરપોર્ટ અને એર ટ્રાફિક કંટ્રોલના કોમ્પ્યુટરમાં અચાનક ટેકનિકલ ખામી સર્જાયા બાદ દેશભરની તમામ એરલાઈન્સ ફ્લાઈટ્સને આગામી આદેશ સુધી અટકાવી દેવામાં આવી છે. ફેડરલ એવિએશન એડમિનિસ્ટ્રેશનના કોમ્પ્યુટરમાં ટેકનિકલ ખામી સર્જાઈ છે, જેના પછી સમગ્ર અમેરિકામાં ફ્લાઈટ્સ પ્રભાવિત થઈ છે. NBC ન્યૂઝ અનુસાર, રાષ્ટ્રપતિ જો બિડેને FAA પાસેથી સમગ્ર મામલે રિપોર્ટ માંગ્યો છે.
ન્યૂયોર્ક ટાઈમ્સ અનુસાર, અત્યાર સુધીમાં 3,578 ફ્લાઈટ્સ મોડી થઈ છે. જ્યારે 450 ડોમેસ્ટિક અને ઈન્ટરનેશનલ ફ્લાઈટ્સ કેન્સલ કરવામાં આવી છે. વધારાની 100 ફ્લાઈટ્સ પણ રદ કરવામાં આવી છે. ન્યૂઝ એજન્સી એપી અનુસાર – બુધવારે અમેરિકાથી કુલ 21 હજાર ફ્લાઈટ્સ ટેકઓફ થવા જઈ રહી છે. મોટાભાગની સ્થાનિક ફ્લાઇટ્સ છે. આ સિવાય 1,840 આંતરરાષ્ટ્રીય ફ્લાઈટ્સ યુએસમાં લેન્ડ થવાની છે. તેમની પણ અસર થઈ રહી છે.
બિડેને કટોકટી બેઠક યોજી હતી
રાષ્ટ્રપતિ જો બિડેને આ મામલે ઈમરજન્સી મીટિંગ બાદ મીડિયાને બ્રીફિંગ આપી હતી. બિડેને કહ્યું- ‘તમામ વિમાન સુરક્ષિત લેન્ડિંગ કરી શકે છે. હા, એ ચોક્કસ વાત છે કે અત્યારે અમે તેમને ટેક ઓફ કરવાની પરવાનગી આપી શકતા નથી. અત્યારે તો એ કહેવું પણ મુશ્કેલ છે કે આ મોટી સમસ્યાનું કારણ શું છે. અમે આશા રાખીએ છીએ કે થોડા કલાકો પછી અમને આ વિશે વિગતવાર માહિતી મળશે. હું પોતે આ બાબત પર નજર રાખી રહ્યો છું.
NOTAM નિષ્ફળ ગયું છે
ફેડરલ એવિએશન એજન્સીએ કહ્યું- NOTAM (નોટિસ ટુ એર મિશન) સિસ્ટમ ‘ફેલ’ થઈ ગઈ છે. FAAએ એક નવા નિવેદનમાં કહ્યું- આ કોમ્પ્યુટર સિસ્ટમમાં ટેક્નિકલ ખામીને કારણે થયું છે. ખામી મળી આવી છે. ફ્લાઇટ ઓપરેશન જલ્દીથી પુનઃસ્થાપિત કરવાનો પ્રયાસ કરી રહ્યાં છીએ.
આ કામ NOTAM દ્વારા કરવામાં આવે છે
NOTAM એ સમગ્ર ફ્લાઇટ ઓપરેશનનો સૌથી મહત્વપૂર્ણ ભાગ છે. તેના દ્વારા જ ફ્લાઈટ્સને ટેકઓફ કે લેન્ડિંગની માહિતી મળે છે. NOTAM વાસ્તવિક સમયનો ડેટા લે છે અને તેને એરપોર્ટ ઓપરેશન્સ અથવા એર ટ્રાફિક કંટ્રોલ (ATC) ને આપે છે. આ પછી એટીસી તેને પાઇલોટ્સ સુધી પહોંચાડે છે.
The FAA is working to restore its Notice to Air Missions System. We are performing final validation checks and reloading the system now.
Operations across the National Airspace System are affected.
We will provide frequent updates as we make progress.
— The FAA ✈️ (@FAANews) January 11, 2023
સાયબર હુમલાનો ઇનકાર કર્યો
અમેરિકન ઈતિહાસમાં પહેલીવાર આટલી મોટી ટેકનિકલ ખામી બાદ વ્હાઇટ હાઉસનું નિવેદન પણ આવ્યું છે. NBC ન્યૂઝ અનુસાર, રાષ્ટ્રપતિ જો બિડેને FAA પાસેથી સમગ્ર મામલે રિપોર્ટ માંગ્યો છે. પ્રેસ સેક્રેટરી કરીન જીન પિયરે કહ્યું- ‘ટ્રાન્સપોર્ટેશન સેક્રેટરી થોડા સમય પહેલા રાષ્ટ્રપતિ જો બિડેનને મળ્યા હતા. તેમણે આ સમસ્યા અંગે રાષ્ટ્રપતિને જાણ કરી છે. અત્યાર સુધીની તપાસના આધારે આપણે કહી શકીએ કે આ સાયબર હુમલાનો મામલો નથી, પરંતુ રાષ્ટ્રપતિએ આ મામલે સંપૂર્ણ અને ગંભીર તપાસના આદેશ આપ્યા છે અને રિપોર્ટ માંગ્યો છે.
પરિવહન પ્રધાન બુટિગીગે કહ્યું કે તેઓ FAA સાથે સંપર્કમાં છે અને પરિસ્થિતિ પર નજર રાખી રહ્યા છે. તેમણે ટ્વીટમાં કહ્યું, “એફએએ આ મુદ્દાને ઝડપથી અને સુરક્ષિત રીતે ઉકેલવા માટે કામ કરી રહ્યું છે, જેથી એર ટ્રાફિક સામાન્ય કામગીરી ફરી શરૂ કરી શકે. FAA તમને અપડેટ રાખશે.”
આ સંદર્ભમાં પરિસ્થિતિ પરના નવીનતમ અપડેટમાં, FAA એ જણાવ્યું હતું કે, “FAA હજુ પણ નોટિસ ટુ એર મિશન સિસ્ટમને સંપૂર્ણપણે પુનઃસ્થાપિત કરવા માટે કામ કરી રહ્યું છે. કેટલાક કામ ટ્રેક પર આવી ગયા છે….
