તમિલનાડુ: તમિલનાડુમાં અકસ્માતના સમાચાર મળતાં જ પોલીસ અને ફાયર વિભાગની ટીમ ઘટનાસ્થળે પહોંચી અને ઘણી મહેનત બાદ મૃતદેહોને બહાર કાઢ્યા.
તમિલનાડુ: તમિલનાડુમાં મંગળવારે (3 જાન્યુઆરી) એક ભયાનક અકસ્માત થયો છે. કુડ્ડલોર જિલ્લો વાયપુર નજીક રાષ્ટ્રીય ધોરીમાર્ગ પર વહેલી સવારે પાંચ વાહનો એકબીજા સાથે અથડાતા પાંચ લોકોના કરૂણ મોત નીપજ્યા હતા.
સમાચાર એજન્સી એએનઆઈના જણાવ્યા અનુસાર, આ અકસ્માતમાં 2 ખાનગી બસ, 2 કાર અને એક લારી એકબીજા સાથે અથડાઈ હતી. આ ભયાનક અકસ્માતમાં 5 લોકોના મોત થયા છે. મૃતકોમાં 2 મહિલાઓ અને બે બાળકોનો સમાવેશ થાય છે.
Tamil Nadu | Five people were killed after 5 vehicles collided with each other near Veppur of Cuddalore district. Bodies were recovered from the car and sent to a Government hospital. Further details awaited: Cuddalore Police
— ANI (@ANI) January 3, 2023
મૃતદેહોને પોસ્ટમોર્ટમ માટે મોકલવામાં આવ્યા
બીજી તરફ ઘટનાની જાણ થતાં પોલીસ અને ફાયર વિભાગની ટીમ ઘટનાસ્થળે પહોંચી હતી અને ભારે જહેમત બાદ મૃતકોના મૃતદેહને બહાર કાઢ્યા હતા. તમામ મૃતદેહોને પોસ્ટમોર્ટમ માટે વેપુર સરકારી હોસ્પિટલમાં મોકલવામાં આવ્યા છે. પોલીસના જણાવ્યા અનુસાર, મૃતકોની ઓળખ થઈ નથી, પરંતુ એક વાહનની આરસી બુક અનુસાર, વાહન ચેન્નાઈના નંગનાલ્લુરનું હતું. પોલીસે જણાવ્યું કે કેસની તપાસ ચાલી રહી છે અને ટીમ ઓળખ કરવામાં વ્યસ્ત છે.
અકસ્માત કયા કારણોસર થયો તે સંદર્ભે પણ પોલીસ તપાસ કરી રહી છે. શું ધુમ્મસના કારણે વાહનો એકબીજા સાથે અથડાયા હતા કે તેની પાછળ કોઈ અન્ય કારણ હતું? પોલીસે ઘટનાસ્થળેથી વાહનો પણ કબજે કરી તપાસ શરૂ કરી છે. તે જ સમયે, અકસ્માત બાદ રાષ્ટ્રીય ધોરીમાર્ગ પર વાહનવ્યવહારને માઠી અસર થઈ છે.
