આ 17 વર્ષના છોકરાનું નામ જાહેર કરવામાં આવ્યું નથી કારણ કે તે સગીર છે. પરંતુ તે રિટેલ આઉટલેટમાં ચોરી કરતી ગેંગ સાથે જોડાયેલો છે અને તેનો ગુનાહિત ઈતિહાસ છે.
લક્ઝરી શોરૂમમાંથી માલસામાનની ચોરી કરીને ભાગી રહેલો ચોર કાચના દરવાજા સાથે અથડાઈને બેભાન થઈ ગયો હતો. અમેરિકાની આ ઘટના CCTVમાં કેદ થઈ ગઈ છે. વોશિંગ્ટનના બેનેવ્યુમાં લુઈસ વિટન સ્ટોરમાંથી વસ્તુઓની ચોરી કરીને ચોર ભાગી રહ્યો હતો. પોલીસના જણાવ્યા અનુસાર, 17 વર્ષના ચોરે દિવસના અજવાળામાં $18,000ની કિંમતની બેગ ચોરી કરવાનો પ્રયાસ કર્યો હતો. ભારતીય રૂપિયામાં તેમની કિંમત 14 લાખથી વધુ છે. પરંતુ જ્યારે તે સ્ટોરની બહાર ભાગ્યો ત્યારે તે કાચના દરવાજા સાથે અથડાઈને બેહોશ થઈ ગયો. કોમો ન્યૂઝ અનુસાર, બેલેવ્યુ પોલીસ કેપ્ટન રોબ સ્પિંગલરે કહ્યું, “બેશરમ તેના માટે યોગ્ય શબ્દ હશે.”
આ ચોરે કાચના દરવાજાને ખુલ્લી જગ્યા સમજીને લક્ઝરી સામાન લઈને ભાગવાનો પ્રયાસ કર્યો હતો.
વકીલોના જણાવ્યા અનુસાર, આ 17 વર્ષના છોકરાનું નામ જાહેર કરવામાં આવ્યું નથી કારણ કે તે સગીર છે. પરંતુ તે રિટેલ આઉટલેટમાં ચોરી કરતી ગેંગ સાથે જોડાયેલો છે અને તેનો ગુનાહિત ઈતિહાસ છે.
ન્યૂયોર્ક પોસ્ટ અનુસાર, આ વર્ષે બેલેવ્યુમાં રિટેલ સ્ટોર્સમાં લૂંટ અને ચોરીના આરોપમાં 50 થી વધુ પુનરાવર્તિત અપરાધીઓની ધરપકડ કરવામાં આવી છે. લગભગ 59 લોકો પર દુકાનોમાંથી સંગઠિત ચોરીનો આરોપ છે.
