આંતરરાષ્ટ્રીય બજારમાં છેલ્લા 24 કલાકમાં ક્રૂડ ઓઈલની કિંમતમાં બેરલ દીઠ લગભગ બે ડોલરનો વધારો થયો છે. તેની અસર સ્થાનિક બજારમાં જાહેર થતા પેટ્રોલ-ડીઝલના ભાવ પર પણ જોવા મળી રહી છે.
નવી દિલ્હીઃ આંતરરાષ્ટ્રીય બજારમાં છેલ્લા 24 કલાક દરમિયાન ક્રૂડ ઓઈલની કિંમતમાં બેરલ દીઠ લગભગ બે ડોલરનો વધારો થયો છે. આ પછી પણ સરકારી તેલ કંપનીઓએ આજે દિલ્હી, મુંબઈ, કોલકાતા, ચેન્નાઈ જેવા ચાર મહાનગરોમાં પેટ્રોલ-ડીઝલના ભાવમાં કોઈ ફેરફાર કર્યો નથી. પરંતુ યુપી અને બિહારમાં તેના ભાવ બદલાયા છે. યુપીના ગૌતમ બુદ્ધ નગર (નોઈડા-ગ્રેટર નોઈડા) જિલ્લામાં પેટ્રોલ 11 પૈસા સસ્તું થઈને 96.65 રૂપિયા પ્રતિ લીટર અને ડીઝલ 11 પૈસા ઘટીને 89.82 રૂપિયા પ્રતિ લીટર થયું છે. ગાઝિયાબાદમાં પેટ્રોલ 32 પૈસા ઘટીને 96.26 રૂપિયા અને ડીઝલ 30 પૈસા ઘટીને 89.45 રૂપિયા પ્રતિ લીટર થઈ ગયું છે. આ સિવાય પટનામાં પેટ્રોલનો દર 35 પૈસા ઘટીને 107.24 રૂપિયા પ્રતિ લિટર અને ડીઝલ 32 પૈસા ઘટીને 94.04 રૂપિયા પ્રતિ લિટર થઈ ગયો છે.
દેશના મહાનગરોમાં પેટ્રોલ અને ડીઝલના ભાવ
– દિલ્હીમાં પેટ્રોલ રૂ. 96.72 અને ડીઝલ રૂ. 89.62 પ્રતિ લીટર.
– મુંબઈમાં પેટ્રોલ રૂ. 106.31 અને ડીઝલ રૂ. 94.27 પ્રતિ લીટર.
– ચેન્નાઈમાં પેટ્રોલ રૂ. 102.63 અને ડીઝલ રૂ. 94.24 પ્રતિ લીટર.
કોલકાતામાં પેટ્રોલ રૂ. 106.03 અને ડીઝલ રૂ. 92.76 પ્રતિ લીટર.
પેટ્રોલ અને ડીઝલના નવા દર દરરોજ સવારે 6 વાગ્યે જાહેર કરવામાં આવે છે
પેટ્રોલ અને ડીઝલના ભાવ દરરોજ સવારે 6 વાગ્યે બદલાય છે. નવા દરો સવારે 6 વાગ્યાથી લાગુ થશે. પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન, વેટ અને અન્ય વસ્તુઓ ઉમેર્યા બાદ તેની કિંમત મૂળ કિંમત કરતા લગભગ બમણી થઈ જાય છે. આ જ કારણ છે કે પેટ્રોલ અને ડીઝલના ભાવ આટલા ઉંચા દેખાય છે.
