પ્રધાનમંત્રીએ કહ્યું કે રાષ્ટ્રીય શિક્ષણ નીતિએ શિક્ષણ ક્ષેત્રમાં મોટા પાયે ફેરફારો કર્યા છે. તેમણે આશા વ્યક્ત કરી હતી કે પીએમ-શ્રી સ્કૂલ દ્વારા દેશભરના લાખો વિદ્યાર્થીઓને ફાયદો થશે.
નવી દિલ્હી: વડા પ્રધાન નરેન્દ્ર મોદીએ સોમવારે જાહેરાત કરી હતી કે પ્રધાનમંત્રી શાળાઓ ફોર રાઇઝિંગ ઇન્ડિયા (PM-શ્રી) હેઠળ દેશભરની 14,500 શાળાઓને વિકસિત અને અપગ્રેડ કરવામાં આવશે. વડાપ્રધાને એક પછી એક ટ્વીટ કરીને આ જાહેરાત કરી છે.
તેમણે કહ્યું, “આજે, શિક્ષક દિવસ પર, હું એક નવી પહેલની જાહેરાત કરી રહ્યો છું. પ્રધાનમંત્રી શાળાઓ ફોર રાઇઝિંગ ઇન્ડિયા (PM-Shri) હેઠળ દેશભરમાં 14,500 શાળાઓને વિકસિત અને અપગ્રેડ કરવામાં આવશે. આ તમામ મોડેલ શાળાઓ બનશે અને તેમાં રાષ્ટ્રીય શિક્ષણ નીતિની સંપૂર્ણ ભાવના હશે.
Today, on #TeachersDay I am glad to announce a new initiative – the development and upgradation of 14,500 schools across India under the Pradhan Mantri Schools For Rising India (PM-SHRI) Yojana. These will become model schools which will encapsulate the full spirit of NEP.
— Narendra Modi (@narendramodi) September 5, 2022
પ્રધાનમંત્રીએ જણાવ્યું હતું કે PM-શ્રી એ શાળાઓમાં શિક્ષણ આપવાનો આધુનિક, પરિવર્તનકારી અને સર્વગ્રાહી માર્ગ હશે અને શિક્ષણ આપવાની નવીનતા લક્ષી અને શીખવા લક્ષી રીત પર ભાર મૂકશે.
“તેના મૂળમાં અત્યાધુનિક ટેક્નોલોજી, સ્માર્ટ ક્લાસરૂમ્સ, સ્પોર્ટ્સ અને ઘણું બધું સાથેનું આધુનિક ઈન્ફ્રાસ્ટ્રક્ચર હશે,” તેમણે કહ્યું.
પ્રધાનમંત્રીએ કહ્યું કે રાષ્ટ્રીય શિક્ષણ નીતિએ શિક્ષણ ક્ષેત્રમાં મોટા પાયે ફેરફારો કર્યા છે. તેમણે આશા વ્યક્ત કરી હતી કે પીએમ-શ્રી સ્કૂલ દ્વારા દેશભરના લાખો વિદ્યાર્થીઓને ફાયદો થશે.
