શરૂઆતના ટ્રેડિંગ દરમિયાન ઉતાર-ચઢાવ જોવા મળ્યા હતા. આ દરમિયાન બીએસઈના 30 શેરો વાળા ઈન્ડેક્સ 601.39 પોઈન્ટ ઘટીને 58,172.48 ના સ્તર પર હતા. બીજી તરફ, વ્યાપક NSE નિફ્ટી 145.5 પોઈન્ટ ઘટીને 17,345.20 પર આવી ગયો હતો.
મુંબઈ: વૈશ્વિક શેરબજારોમાં વેચવાલી વચ્ચે મંગળવારે મુખ્ય શેરબજારો ઘટાડા સાથે ખુલ્યા હતા, જોકે શરૂઆતના ટ્રેડિંગ દરમિયાન અસ્થિરતા જોવા મળી હતી. આ દરમિયાન બીએસઈના 30 શેરો વાળા ઈન્ડેક્સ 601.39 પોઈન્ટ ઘટીને 58,172.48 ના સ્તર પર હતા. બીજી તરફ, વ્યાપક NSE નિફ્ટી 145.5 પોઈન્ટ ઘટીને 17,345.20 પર આવી ગયો હતો.
જો કે, પાછળથી બંને સૂચકાંકોમાં અસ્થિરતા જોવા મળી હતી અને તેઓ લાભ અને નુકસાન સાથે વેપાર કરી રહ્યા હતા. સમાચાર લખાય છે ત્યારે સેન્સેક્સ 88.72 પોઈન્ટ વધીને 58,862.59 પર જ્યારે નિફ્ટી 33.50 પોઈન્ટ વધીને 17,524.20 પર હતો. અન્ય એશિયન બજારોમાં સિઓલ, ટોક્યો અને હોંગકોંગના બજારો લાલ નિશાનમાં હતા જ્યારે શાંઘાઈમાં વધારો જોવા મળ્યો હતો.
સોમવારે સેન્સેક્સ 872.28 પોઈન્ટ અથવા 1.46 ટકા ઘટીને 58,773.87 પર બંધ થયો હતો. નિફ્ટી 267.75 પોઈન્ટ અથવા 1.51 ટકાના ઘટાડા સાથે 17,490.70 પર બંધ થયો હતો. દરમિયાન, આંતરરાષ્ટ્રીય તેલ બેન્ચમાર્ક બ્રેન્ટ ક્રૂડ 0.79 ટકા વધીને બેરલ દીઠ $ 97.22 પર પહોંચી ગયું છે. શેરબજારના કામચલાઉ ડેટા અનુસાર સોમવારે વિદેશી સંસ્થાકીય રોકાણકારો (FIIs)એ રૂ. 453.77 કરોડના શેરનું વેચાણ કર્યું હતું.
