મલાઈકા અરોરા હાલમાં જ પુત્ર અરહાન ખાનને મળવા ન્યૂયોર્ક પહોંચી છે. અભિનેત્રીએ તસવીરો શેર કરીને ચાહકોને તેના દિવસની ઝલક બતાવી છે.
એક્ટ્રેસ મલાઈકા અરોરા પોતાની એક્ટિંગ-ડાન્સિંગ સાથે પોતાની સુંદરતાના કારણે સતત ચર્ચામાં રહે છે. મલાઈકા એ અભિનેત્રીઓમાંથી એક છે જે સોશિયલ મીડિયા પર ખૂબ જ એક્ટિવ રહેવાનું પસંદ કરે છે. પોતાની પ્રોફેશનલ લાઈફની સાથે સાથે તે પોતાના ફેન્સને તેની પર્સનલ લાઈફ વિશે પણ અપડેટ કરતી રહે છે. હાલમાં જ મલાઈકા અરોરા ન્યૂયોર્ક જવા રવાના થઈ છે.
મલાઈકા અરોરાએ હાલમાં જ સોશિયલ મીડિયા પર ફોટા શેર કરીને તેના પુત્રની ઝલક બતાવી છે. તસવીરમાં જોઈ શકાય છે કે અરહાન એક બિલ્ડિંગની સામેથી પસાર થઈ રહ્યો છે. તેણે બ્લેક એન્ડ વ્હાઇટ શર્ટ પહેરેલ છે. મલાઈકાએ તેના પુત્રની પાછળ ચાલતી વખતે ફોટો ક્લિક કર્યો છે. ઈન્સ્ટાગ્રામ સ્ટોરી શેર કરતા અભિનેત્રીએ લખ્યું, ‘રીયુનાઈટેડ’ એટલે ફરી મળવું. મલાઈકા તેના પુત્ર સાથે ન્યૂયોર્કમાં શાનદાર વોક કરી રહી છે. અભિનેત્રી પુત્ર અરહાન ખાન સાથે શહેરના રસ્તાઓ અને આર્ટ મ્યુઝિયમની મુલાકાત લેવા નીકળી છે.
મલાઈકા અરોરા અને અરબાઝ ખાનનો પુત્ર અરહાન ખાન આંતરરાષ્ટ્રીય યુનિવર્સિટીમાં અભ્યાસ કરી રહ્યો છે. અરહાનનું એડમિશન ગયા વર્ષે થયું હતું. જ્યારે અરહાન વિદેશ અભ્યાસ માટે આવતો હતો. ત્યારે પણ એક તસવીર શેર કરતા મલાઈકાએ તેના પુત્રની નવી જર્ની વિશે જણાવ્યું.
તમને જણાવી દઈએ કે જ્યારે અરહાન ખાન પરિવારને મળવા માટે ડિસેમ્બરમાં ભારત આવ્યો હતો. ત્યારબાદ મલાઈકા અરોરા અને અરબાઝ ખાન બંને પુત્રને લેવા એરપોર્ટ પહોંચ્યા હતા. અરબાઝ ખાન અને મલાઈકા અરોરાએ લગ્નના 19 વર્ષ બાદ 2017માં છૂટાછેડા લીધા હતા. હાલમાં મલાઈકા અરોરા અર્જુન કપૂર સાથે રિલેશનશિપમાં છે અને અરબાઝ ખાન ઈટાલિયન મોડલ જ્યોર્જિયા એન્ડ્રિયાનીને ડેટ કરી રહ્યો છે.