જૈશ આતંકવાદી ઝહૂર મિસ્ત્રી એ 5 આતંકવાદીઓમાંનો એક હતો જેમણે એર ઈન્ડિયાના IC-814ને હાઈજેક કર્યું હતું. 24 ડિસેમ્બર 1999ના રોજ આતંકવાદીઓએ એર ઈન્ડિયાના વિમાનને હાઈજેક કર્યું હતું. વિમાનને નેપાળના કાઠમંડુથી હાઈજેક કરીને અફઘાનિસ્તાનના કંદહાર લઈ જવામાં આવ્યું હતું.
નવી દિલ્હીઃ કંદહાર ફ્લાઈટ હાઈજેકના કાવતરામાં સામેલ આતંકવાદી ઝહૂર મિસ્ત્રીને પાકિસ્તાનના કરાચીમાં ઠાર કરવામાં આવ્યો છે. વર્ષ 1999માં એર ઈન્ડિયાના એરક્રાફ્ટ આઈસી-814ના હાઈજેકમાં ઝહૂર સામેલ હતો. અખુંદ કરાચીની અખ્તર કોલોનીમાં સ્થિત ક્રેસન્ટ ફર્નિચરનો માલિક હતો. મિસ્ત્રી બનાવટી ઓળખ હેઠળ ઘણા વર્ષોથી કરાચીમાં રહેતો હતો.
સરકારી સૂત્રોના જણાવ્યા અનુસાર મિસ્ત્રી કરાચીની અખ્તર કોલોનીમાં કામ કરતા હતા. ઝહૂર આતંકવાદી સંગઠન જૈશ-એ-મોહમ્મદ સાથે સંકળાયેલો હતો. જૈશના આ આતંકી પર હુમલો કરનાર બે હુમલાખોરો બાઇક પર આવ્યા હતા. આ બંને હુમલાખોરો સીસીટીવી ફૂટેજમાં જોવા મળ્યા છે. બંનેના ચહેરા પર માસ્ક હતા, જેથી તેમની ઓળખ થઈ શકી ન હતી. અહેવાલો અનુસાર, રઉફ અસગરે કરાચીમાં અખુંદના અંતિમ સંસ્કારમાં હાજરી આપી હતી. અસગર જૈશ-એ-મોહમ્મદનો ઓપરેશનલ ચીફ અને જૈશ ચીફ મસૂદ અઝહરનો ભાઈ છે.
ઈન્ડિયન એરલાઈન્સના વિમાન IC-814એ કાઠમંડુના ત્રિભુવન ઈન્ટરનેશનલ એરપોર્ટ પરથી દિલ્હી એરપોર્ટ માટે ઉડાન ભરી હતી. પરંતુ સાંજે 5.30 વાગ્યે પ્લેન ભારતીય હવાઈ ક્ષેત્રમાં પ્રવેશ્યું કે તરત જ આતંકવાદીઓએ ગન પોઈન્ટ પર પ્લેનને હાઈજેક કરી લીધું અને પ્લેનને અમૃતસર, લાહોર અને દુબઈ થઈને કંદહાર, અફઘાનિસ્તાન લઈ ગયા.
