હિમાચલ પ્રદેશ ફેક્ટરી બ્લાસ્ટઃ હિમાચલ પ્રદેશના ઉનામાં ફટાકડાની ફેક્ટરીમાં જબરદસ્ત વિસ્ફોટ થયો છે. જેમાં 6 લોકોના મોત થયા છે, જ્યારે 15થી વધુ લોકો દાઝી ગયા છે.
શિમલાઃ હિમાચલ પ્રદેશના ઉનામાં એક ફટાકડાની ફેક્ટરીમાં જબરદસ્ત વિસ્ફોટ થયો છે. જેમાં 6 લોકોના મોત થયા છે, જ્યારે 15થી વધુ લોકો દાઝી ગયા છે. આ અકસ્માતમાં ઘણા લોકો જીવતા દાઝી ગયા હોવાના અહેવાલ છે. હાલ ફાયર બ્રિગેડ અને પોલીસકર્મીઓની ટીમ ઘટનાસ્થળે રાહત અને બચાવ કાર્યમાં લાગેલી છે.
મળતી માહિતી મુજબ વિસ્ફોટ એટલો જોરદાર હતો કે નજીકની ફેક્ટરીઓના કાચ તૂટી ગયા હતા. સૂત્રો પાસેથી મળેલી માહિતી મુજબ મૃતકોમાં 6 મહિલાઓનો સમાવેશ થાય છે અને તમામ ફેક્ટરીમાં કામ કરતી હતી. તમામ ઘાયલોને નજીકની હોસ્પિટલમાં દાખલ કરવામાં આવ્યા છે, જેમાંથી કેટલાકની હાલત ગંભીર છે. આ દુર્ઘટના બાથુ ઈન્ડસ્ટ્રીયલ એરિયામાં એક ફેક્ટરીમાં થઈ હતી.