ઓસ્ટ્રેલિયા માટે સ્કોટ બોલેન્ડે બીજા દાવમાં માત્ર ચાર ઓવરમાં છ વિકેટ ઝડપી હતી. કુલ મળીને તેણે આ મેચમાં 7 વિકેટ લીધી છે. આ મેચમાં તેને પ્લેયર ઓફ ધ મેચનો એવોર્ડ આપવામાં આવ્યો છે.
નવી દિલ્હીઃ ઓસ્ટ્રેલિયા અને ઈંગ્લેન્ડ ક્રિકેટ ટીમ વચ્ચે ચાલી રહેલી એશિઝ શ્રેણીની ત્રીજી મેચ ઓસ્ટ્રેલિયાએ જીતી લીધી છે. ઓસ્ટ્રેલિયાએ આ મેચ એક ઇનિંગ અને 14 રને જીતીને એશિઝ શ્રેણી પણ જાળવી રાખી છે. ઇંગ્લેન્ડ તેની બીજી ઇનિંગમાં માત્ર 68 રન જ બનાવી શકી હતી. આ ઇનિંગમાં ઇંગ્લેન્ડ તરફથી જો રૂટે (28) સૌથી વધુ રન બનાવ્યા હતા.
#Ashes retained ✅ pic.twitter.com/qhlKD69ciV
— Cricket Australia (@CricketAus) December 28, 2021
આ મેચમાં ઈંગ્લેન્ડની બેટિંગ એકદમ નીચી રહી હતી. બીજા દાવમાં 11માંથી 9 ખેલાડીઓ ડબલ ફિગરને પણ સ્પર્શી શક્યા ન હતા અને ચાર બેટ્સમેન શૂન્યના સ્કોર પર આઉટ થયા હતા. અત્યાર સુધી શ્રેણીની ત્રણેય મેચ ઓસ્ટ્રેલિયાના નામે રહી છે. ઓસ્ટ્રેલિયા માટે સ્કોટ બોલેન્ડે બીજા દાવમાં માત્ર ચાર ઓવરમાં છ વિકેટ ઝડપી હતી. કુલ મળીને તેણે આ મેચમાં 7 વિકેટ લીધી છે. આ મેચમાં તેને પ્લેયર ઓફ ધ મેચનો એવોર્ડ આપવામાં આવ્યો છે.
જો મેચની વાત કરીએ તો આ મેચ મેલબોર્નના મેલબોર્ન ક્રિકેટ ગ્રાઉન્ડ પર રમાઈ રહી હતી. આ મહત્વની મેચમાં ઈંગ્લિશ ટીમ પ્રથમ દાવમાં 185 રનમાં સમેટાઈ ગયા બાદ ઓસ્ટ્રેલિયા તેની પ્રથમ ઈનિંગમાં 267 રન બનાવી શક્યું હતું. ટીમ માટે ઓપનર માર્કસ હેરિસે સૌથી વધુ 76 રનનું યોગદાન આપ્યું હતું. હેરિસે તેની શાનદાર ઇનિંગ દરમિયાન 189 બોલમાં સાત ચોગ્ગા ફટકાર્યા હતા.
