PMOએ જણાવ્યું હતું કે વડાપ્રધાન 28 જુલાઈના રોજ બપોરે 12 વાગ્યે ગુજરાતના સાબરકાંઠામાં ગંધોડા ચોકી ખાતે સાબર ડેરીના રૂ. 1,000 કરોડના અનેક પ્રોજેક્ટનો શિલાન્યાસ કરશે.
નવી દિલ્હી: વડા પ્રધાન નરેન્દ્ર મોદી 28 અને 29 જુલાઈના રોજ તેમના ગૃહ રાજ્ય ગુજરાત અને દક્ષિણ રાજ્ય તમિલનાડુની મુલાકાત લેશે અને અનેક વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે. વડાપ્રધાન કાર્યાલય (PMO) દ્વારા જારી કરાયેલા નિવેદન અનુસાર, મોદી 44મા ચેસ ઓલિમ્પિયાડ અને અન્ના યુનિવર્સિટીના 42મા દીક્ષાંત સમારોહનું પણ ઉદ્ઘાટન કરશે.
PMOએ જણાવ્યું હતું કે 28 જુલાઈના રોજ બપોરે 12 વાગ્યે, વડાપ્રધાન ગુજરાતના સાબરકાંઠામાં ગંધોડા ચોકી ખાતે સાબર ડેરીની રૂ. 1,000 કરોડની કિંમતના અનેક પ્રોજેક્ટનો શિલાન્યાસ કરશે. પીએમઓ દ્વારા જારી કરાયેલા નિવેદન અનુસાર, આ પ્રોજેક્ટ સ્થાનિક ખેડૂતો અને દૂધ ઉત્પાદકોને સશક્ત બનાવશે અને તેમની આવકમાં વધારો કરશે. આ સાથે પ્રદેશના ગ્રામીણ અર્થતંત્રને પણ વેગ મળશે.
આ પછી, વડા પ્રધાન ચેન્નાઈ જશે અને ત્યાં જવાહરલાલ નહેરુ ઇન્ડોર સ્ટેડિયમમાં 44માં ચેસ ઓલિમ્પિયાડની શરૂઆત કરશે. સાબર ડેરીની ક્ષમતા પ્રતિદિન 1.20 લાખ ટન જેટલી છે. પીએમઓએ કહ્યું કે બીજા દિવસે 29 જુલાઈએ વડાપ્રધાન સવારે 10 વાગ્યે અન્ના યુનિવર્સિટીના 42માં દીક્ષાંત સમારોહમાં હાજરી આપશે. આ પછી તેઓ ગુજરાતના ગાંધીનગર જશે.
વડાપ્રધાન ગાંધીનગરમાં ગુજરાત ઇન્ટરનેશનલ ફાઇનાન્સ ટેક-સિટી (ગિફ્ટ સિટી) ખાતે દેશના પ્રથમ આંતરરાષ્ટ્રીય બુલિયન એક્સચેન્જનું લોકાર્પણ કરશે. આ સમયગાળા દરમિયાન તેઓ ઈન્ટરનેશનલ ફાઈનાન્સિયલ સર્વિસ સેન્ટર ઓથોરિટીના હેડક્વાર્ટર બિલ્ડિંગનો શિલાન્યાસ પણ કરશે.
