બ્લેક ફિલ્મમાં આયેશા કપૂરે રાની મુખર્જીના બાળપણનો રોલ કર્યો હતો. ફિલ્મમાં વાંકડિયા વાળમાં જોવા મળેલી આયેશા હવે ઘણી ગ્લેમરસ બની ગઈ છે.
નવી દિલ્હીઃ તમને બધાને વર્ષ 2005માં આવેલી ફિલ્મ બ્લેક યાદ જ હશે. આ ફિલ્મમાં અમિતાભ બચ્ચન અને રાની મુખર્જી જોવા મળ્યા હતા. બંનેએ ફિલ્મમાં પોતાના શાનદાર અભિનયથી દર્શકોનું દિલ જીતી લીધું હતું. ફિલ્મમાં બિગ બી અને રાની સાથે એક બાળકી પણ જોવા મળી હતી, જે ‘માઈકલ’ના રોલમાં જોવા મળી હતી. તમને જણાવી દઈએ કે, વાંકડિયા વાળમાં દેખાતી આ સુંદર છોકરીનું સાચું નામ આયેશા કપૂર છે. આયેશા કપૂર હવે મોટી અને ગ્લેમરસ ગર્લ બની ગઈ છે.
બ્લેક ફિલ્મમાં આયેશા કપૂરે રાની મુખર્જીના બાળપણનો રોલ કર્યો હતો. આયેશા કપૂરે જે સુંદરતા સાથે તેનું પાત્ર ભજવ્યું હતું તે જોઈને લોકો તેની એક્ટિંગ પર વિશ્વાસ કરી રહ્યા હતા. આયશા કપૂરની કેટલીક લેટેસ્ટ તસવીરો આ સમયે ઈન્ટરનેટ પર ખૂબ વાયરલ થઈ રહી છે. આ તસવીરોમાં આયેશાને જોઈને કોઈ તેને ઓળખી શકતું નથી. આયેશાના જે તાજેતરના ફોટા સામે આવ્યા છે, તેમાં તે મધ્યમાં જોઈ શકાય છે. આ ફોટોમાં આયેશા કપૂર બીચ વેયરમાં જોવા મળી રહી છે. આ તસવીરોમાં તેણે પોતાના વાળ પકડીને કેમેરા તરફ જોતી વખતે ખૂબ જ સુંદર પોઝ આપ્યા છે.
View this post on Instagram
તમને જણાવી દઈએ કે, આયેશાને ફિલ્મ બ્લેક માટે ‘ફિલ્મફેર બેસ્ટ સપોર્ટિંગ એક્ટ્રેસ’નો એવોર્ડ પણ મળ્યો હતો.આયશા કપૂરને આ ફિલ્મમાં તેના શ્રેષ્ઠ અભિનય માટે કુલ 7 એવોર્ડ મળ્યા હતા. આ પછી વર્ષ 2006માં આયેશા ‘સના’ નામની શોર્ટ ફિલ્મમાં જોવા મળી હતી. આ પછી તે છેલ્લે 2009માં આવેલી ફિલ્મ ‘સિકંદર’માં જોવા મળ્યો હતો.
