હિમસ્ખલનને કારણે કોઈ જાન-માલનું નુકસાન થયું નથી, ઉત્તરાખંડમાં તાજેતરમાં ભારે વરસાદ થયો છે અને રાજ્યમાંથી ભૂસ્ખલનની પણ જાણ થઈ રહી છે.
નવી દિલ્હીઃ ઉત્તરાખંડમાં કેદારનાથ મંદિરની પાછળના પહાડો પર શનિવારે ભારે હિમપ્રપાત થયો હતો. કેદારનાથ મંદિર સમિતિ તરફથી કહેવામાં આવ્યું છે કે આ ઘટનામાં કોઈ જાનહાનિ થઈ નથી અને ન તો કોઈ નુકસાન થયું છે. શ્રી બદ્રીનાથ-કેદારનાથ મંદિર સમિતિના અધ્યક્ષ અજેન્દ્ર અજયે સમાચાર એજન્સી ANIને જણાવ્યું કે, “આજે સવારે હિમાલય વિસ્તારમાં હિમપ્રપાત થયો, પરંતુ કેદારનાથ મંદિરને કોઈ નુકસાન થયું નથી.”
#WATCH | Uttarakhand: An avalanche occurred this morning in the Himalayan region but no damage was sustained to the Kedarnath temple: Shri Badrinath-Kedarnath Temple Committee President, Ajendra Ajay pic.twitter.com/fyi2WofTqZ
— ANI UP/Uttarakhand (@ANINewsUP) October 1, 2022
છેલ્લા દસ દિવસમાં આ બીજી વખત છે જ્યારે કેદારનાથ મંદિરની પાછળનો વિશાળ ગ્લેશિયર તૂટી ગયો છે. 22 સપ્ટેમ્બરે કેદારનાથ મંદિરની પાછળ લગભગ 5 કિમી દૂર આવેલા ચોરાબારી ગ્લેશિયરના કેચમેન્ટ એરિયામાં હિમપ્રપાત આવ્યો હતો.
ઉત્તરાખંડમાં તાજેતરમાં ભારે વરસાદ થયો છે અને રાજ્યમાંથી ભૂસ્ખલનની માહિતી મળી રહી છે. ગુરુવારે, રુદ્રપ્રયાગમાં નેશનલ હાઈવે (NH) 109 અચાનક ભૂસ્ખલનને કારણે બંધ થઈ ગયો હતો. આ પછી રોડ પર વાહનોની લાંબી કતારો લાગી ગઈ હતી.
