બ્રેકિંગ ન્યૂઝ લાઈવ અપડેટ્સ 20મી જાન્યુઆરી 2023: દેશ અને વિદેશના સમાચારો સૌથી પહેલા જાણવા માટે, અહીં બ્રેકિંગ ન્યૂઝ લાઈવ બ્લોગમાં અમારી સાથે રહો.
CBIએ બિઝનેસમેન અમિત અગ્રવાલ વિરુદ્ધ FIR નોંધી
સીબીઆઈએ દિલ્હીમાં બિઝનેસમેન અમિત અગ્રવાલ અને કોલકાતા પોલીસના કેટલાક અધિકારીઓ સામે કેસ નોંધ્યો છે. અમિત અગ્રવાલ પર ગુનાહિત ષડયંત્ર રચવાનો અને ખોટી ફરિયાદ દાખલ કરવાનો આરોપ છે. આ કાર્યવાહી ઝારખંડ હાઈકોર્ટના આદેશ પર કરવામાં આવી છે.
શિવસેનાના સાંસદ સંજય રાઉતે ભારત જોડો યાત્રામાં ભાગ લીધો હતો
જમ્મુ-કાશ્મીરમાં ભારત જોડો યાત્રા છે. આજે કોંગ્રેસ સાંસદ રાહુલ ગાંધીની ભારત જોડો યાત્રા કઠુઆથી શરૂ થઈ છે. શિવસેના (ઉદ્ધવ ઠાકરે જૂથ)ના સાંસદ સંજય રાઉત પણ યાત્રામાં જોડાયા હતા.
ભારત જોડો યાત્રાઃ આજે કઠુઆથી કાશ્મીરની યાત્રાની ઔપચારિક શરૂઆત
રાહુલ ગાંધીની ભારત જોડો યાત્રા જમ્મુ-કાશ્મીરમાં પ્રવેશી ચૂકી છે. આજે કઠુઆથી કાશ્મીરની યાત્રાની ઔપચારિક શરૂઆત થશે. 26 જાન્યુઆરી સુધી રાહુલ ગાંધીનો જમ્મુ ક્ષેત્રના વિવિધ જિલ્લાઓમાં પ્રવાસ ચાલુ રહેશે. યાત્રાને લઈને કડક સુરક્ષા વ્યવસ્થા કરવામાં આવી છે.
WFI પ્રમુખ બ્રિજભૂષણ શરણ સિંહ આજે બપોરે 12 વાગ્યે પ્રેસ કોન્ફરન્સ કરશે
રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજ ભૂષણ શરણ સિંહ આજે બપોરે 12 વાગ્યે ઉત્તર પ્રદેશના ગોંડા જિલ્લાના નવાબગંજમાં રેસલિંગ ટ્રેનિંગ સેન્ટર ખાતે પ્રેસ કોન્ફરન્સ કરશે. ઘણા રેસલર્સે તેના પર યૌન શોષણનો આરોપ લગાવ્યો છે.
શાહી ઇદગાહ મસ્જિદના અમીની સર્વે કરવા માટે આજે મથુરા કોર્ટમાં સુનાવણી
શ્રી કૃષ્ણ જન્મભૂમિ અને શાહી ઇદગાહ મસ્જિદના જમીન વિવાદ અંગે હિન્દુ સેના પ્રમુખ વિષ્ણુ ગુપ્તાની અરજી પર આજે કોર્ટમાં સુનાવણી હાથ ધરવામાં આવશે. વિષ્ણુ ગુપ્તાની અરજી પર કોર્ટે અગાઉ અમિની તપાસનો આદેશ આપ્યો હતો. જેના કેસમાં મસ્જીદ પક્ષના વકીલ વતી કોર્ટમાં અમીની ઈન્સ્પેકશન સર્વે અટકાવવા અને તેઓની બાજુ સાંભળવા અરજી આપવામાં આવી હતી.
આજે આ વર્ષનો પ્રથમ જોબ ફેર છે
આજે PM મોદી 71 હજાર યુવાનોને નોકરી આપવા જઈ રહ્યા છે. પીએમ મોદી વીડિયો કોન્ફરન્સિંગ દ્વારા કાર્યક્રમમાં જોડાશે અને એપોઇન્ટમેન્ટ લેટર મેળવનારા લોકોને પણ સંબોધિત કરશે. કેન્દ્ર સરકાર દ્વારા 2023ના અંત સુધીમાં 10 લાખ નોકરીઓ આપવાના લક્ષ્યાંક હેઠળ ગયા વર્ષે 2022માં 2 જોબ ફેરનું આયોજન કરવામાં આવ્યું હતું. 1 લાખ 46 હજાર યુવાનોને નોકરી આપવામાં આવી છે. હવે આજે વધુ 71 હજાર યુવાનોને નોકરી આપવામાં આવનાર છે.
બ્રેકિંગ ન્યૂઝ લાઈવ અપડેટ્સ 20મી જાન્યુઆરી 2023: રેસલિંગ ફેડરેશન ઑફ ઈન્ડિયાના પ્રમુખ અને બીજેપી સાંસદ બ્રિજભૂષણ શરણ સિંહ સામે કુસ્તીબાજોએ વિરોધ ચાલુ રાખ્યો. ગુરુવારે કુસ્તીબાજો અને ખેલ મંત્રી અનુરાગ ઠાકુરની બેઠક થઈ હતી. આજે કુસ્તીબાજો અને ખેલ મંત્રી અનુરાગ ઠાકુરની બીજી બેઠક થશે. ગત રાત્રે મેરેથોન બેઠક 4 કલાક સુધી ચાલી હતી. સૂત્રોનો દાવો છે કે બેઠકમાં કોઈ નક્કર પરિણામ આવ્યું નથી. જંતર-મંતર ખાતે હડતાળ ચાલુ રહેશે.
#WATCH उत्तराखंड: जोशीमठ में आज सुबह ताजा बर्फबारी देखने को मिली। pic.twitter.com/zpAVYuJ8A7
— ANI_HindiNews (@AHindinews) January 20, 2023
ગુરુવારે ઉત્તર ભારતના કેટલાક ભાગોમાં કોલ્ડવેવની સ્થિતિ હળવી થઈ ગઈ છે અને આગામી પાંચ દિવસ દરમિયાન વધુ ઠંડીની કોઈ શક્યતા નથી. ભારતીય હવામાન વિભાગ (IMD) અનુસાર, દક્ષિણ હરિયાણા, પૂર્વ રાજસ્થાન, ઉત્તર મધ્યપ્રદેશ અને બિહારના ભાગો ગુરુવારે પણ શીત લહેરની પકડમાં રહ્યા હતા.
નવા વર્ષના પ્રથમ રોજગાર મેળાનું આજે આયોજન કરવામાં આવ્યું છે. આજે PM મોદી 24 રાજ્યોના 71 હજાર યુવાનોને નિમણૂક પત્ર આપશે અને તેમને વર્ચ્યુઅલ રીતે સંબોધિત કરશે.
ભાજપ અધ્યક્ષ જેપી નડ્ડા લોકસભા ચૂંટણી માટે મિશન યુપી પર છે. સવારે 10.30 વાગ્યે વારાણસીમાં કાશી વિશ્વનાથની મુલાકાત લેશે અને 12 વાગ્યે ગાઝીપુરમાં રેલી કરશે.
રાજસ્થાનમાં સીએમ ગેહલોત અને પાયલોટ વચ્ચે તણાવ ચાલુ છે. પાયલોટનું નામ લીધા વિના અશોક ગેહલોતે ટોણો માર્યો અને કહ્યું કે તે 4 વર્ષમાં જેટલું કામ કરવાનું હતું એટલું કરી શક્યો નથી. કોરોના માત્ર દેશમાં જ નથી આવ્યો, આપણી પાર્ટીમાં પણ કોરોના આવ્યો છે.
